گوانگژو (شِنہوا) چین کے اعلیٰ قانون ساز نے پارٹی سطح پر تحقیق اور مطالعہ کی مہم کو عملی جامہ پہنانے کی کوششوں اور14ویں نیشنل پیپلز کانگریس کی قائمہ کمیٹی کے قانون سازی کے پروگرام کی تشکیل کے لیے بہتر طور سے کام کرنے پرزور دیا ہے۔

کمیونسٹ پارٹی آف چائنہ (سی پی سی) کی مرکزی کمیٹی کے پولیٹیکل بیورو کی قائمہ کمیٹی کے رکن اور این پی سی کی قائمہ کمیٹی کے چیئرمین ژاؤ لیجی نے ان خیالات کااظہار منگل سے جمعہ تک جنوبی صوبے گوانگ ڈونگ کے معائنہ جاتی دورے کے دوران کیا۔

پانچ سالہ قانون سازی پروگرام کی تشکیل کی اہمیت پر زور دیتے ہوئے، ژاؤ نے کہا کہ قانون سازی امور کو سوچے سمجھے، معقول اور مربوط انداز میں ترتیب دیا جانا چاہیے اور سی پی سی کی مرکزی کمیٹی کے اہم فیصلوں اور تعیناتیوں کو اس عمل میں ملحوظ خاطر رکھا جانا چاہیے۔

انہوں نے اہم اور ابھرتے ہوئے شعبوں اور خارجہ معاملات سے متعلقہ شعبوں میں قانون سازی کو مضبوط بنانے کے ساتھ ساتھ ایک ایسا قانونی نظام بنانے کی کوششوں پر زوردیا جوقومی حکمرانی کو فروغ دینے، لوگوں کی بہتر زندگیوں کی بڑھتی ہوئی ضروریات کو پورا کرنے اور قومی سلامتی کے تحفظ کے لیے ضروری ہیں۔

ژاؤ نے این پی سی کے نمائندوں سے کہا کہ وہ عوام کے نمائندوں کے ساتھ قریبی رابطے کو اپنے فرائض کی انجام دہی کے لیے بنیادی ضرورت سمجھیں اور لوگوں کے لیے سب سے زیادہ تشویش کے مسائل کو حل کرنے میں مدد کریں۔