بیجنگ(شِنہوا) چین کے اعلیٰ سیاسی مشاورتی ادارے عوامی سیاسی مشاورتی کانفرنس (سی پی پی سی سی) کی 14ویں قومی کمیٹی کی چوتھی قائمہ کمیٹی کا منگل کو اجلاس ہوا،جس میں ماحولیاتی تحفظ کو مضبوط بنانے اورایک خوبصورت چین کی تعمیر کو فروغ دینے پر غور کیا گیا۔
کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کی قائمہ کمیٹی کے رکن اور سی پی پی سی سی کی قومی کمیٹی کے چیئرمین وانگ ہوننگ نے افتتاحی اجلاس میں شرکت کی۔
سی پی سی کی مرکزی کمیٹی کے پولیٹیکل بیورو کے رکن اور چین کے نائب وزیر اعظم ہی لائی فینگ نے اجلاس میں رپورٹ پیش کی۔
انہوں نے آلودگی کے خاتمے ، ماحول دوست اور کم کاربن کی منتقلی کو تیز کرنے، ماحولیات کی بحالی کو فروغ دینے، دوہرے کاربن اہداف کے حصول میں پیش رفت اور خوبصورت چین کی تعمیر کے لیے سلامتی کی بنیادوں کو مضبوط بنانے اور ماحولیاتی نظم و نسق کے نظام کو جدید بنانے کے لیے مسلسل کوششوں پر زور دیا۔
اجلاس کی صدارت سی پی سی کی مرکزی کمیٹی کے پولیٹیکل بیورو کے رکن اور سی پی پی سی سی کی قومی کمیٹی کے نائب چیئرمین شی تائی فینگ نے کی۔ شی نے سی پی پی سی سی کے ارکان پر زور دیا کہ وہ ماحولیاتی تحفظ اور انسانیت اور فطرت کے درمیان ہم آہنگی کو فروغ دینے کے مقصد کے لیے حکمت سےکام لیتے ہوئے اجتماعی کوششیں کریں۔
