بیجنگ (شِںہوا) چینی عوامی سیاسی مشاورتی کانفرنس کی 14 ویں قومی کمیٹی کے پہلے اجلاس کے پریزیڈیم نے اپنی نئی قیادت کے لئے امیدواروں کے ناموں کی سفارش کردہ فہرست منظور کرلی ۔
کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن وانگ ہوننگ نے پریزیڈیم کے اجلاس کی صدارت کی۔
اس فہرست میں چینی عوامی سیاسی مشاورتی کانفرنس کی 14 ویں قومی کمیٹی کے چیئرپرسن، وائس چیئرپرسنز، سیکرٹری جنرل اور قائمہ کمیٹی کے ارکان کے نام شامل تھے۔
اجلاس میں چینی عوامی سیاسی مشاورتی کانفرنس کے انتخاب کے مسودے کا جائزہ لیا گیا اور اسے اصولی طور پر منظور کرلیا گیا۔
شرکاء نے چینی عوامی سیاسی مشاورتی کانفرنس کی 13 ویں قومی کمیٹی کی قائمہ کمیٹی کی ورک رپورٹ پر ایک مسودہ قرارداد، سیاسی مشیروں کی تجاویز پر مبنی ورک رپورٹ پرایک مسودہ قرارداد، چینی عوامی سیاسی مشاورتی کانفرنس کے منشور میں ترمیم پر ایک مسودہ قرارداد، تجویز کی جانچ پر ایک مسودہ رپورٹ اور چینی عوامی سیاسی مشاورتی کانفرنس کی 14 ویں قومی کمیٹی کے پہلے اجلاس کی سیاسی قرارداد کے مسودے پر بھی تبادلہ خیال کیا۔
اجلاس میں فیصلہ ہوا کہ مجوزہ ناموں کی فہرست اور تمام مسودے چینی عوامی سیاسی مشاورتی کانفر نس کے ارکان کو تبادلہ خیال اور مشاورت کے لئے دیئے جائیں گے۔
کمیونسٹ پارٹی آف چائنہ کی قیادت میں چینی عوامی سیاسی مشاورتی کانفرنس کثیر الجماعتی تعاون اور سیاسی مشاورت میں اہم ادارے کے طور پر کام کرتی ہے۔
رواں سال اس کا سالانہ اجلاس 4 مارچ کو شروع ہوا تھا جو 11 مارچ تک جاری رہے گا۔
