بیجنگ(شِہنوا)چین کی عوامی سیاسی مشاورتی کانفرنس(سی پی پی سی سی)کی قومی کمیٹی نے  امریکہ کی طرف سے نام نہاد تبت- چین تنازعہ ایکٹ پرمبنی حل کو فروغ دینےکے قانون پر دستخط کرنے پر سخت برہمی اورشدید مخالفت کا اظہار کیا ہے۔

گزشتہ روز منعقدہ ایک سمپوزیم میں سی پی پی سی سی کی قومی کمیٹی کی نسلی اور مذہبی امور کی کمیٹی کے ارکان نے اس اقدام کو انتہائی غلط خیالات اور اشتعال انگیز تبصروں سے بھرا ہوا قرار دیتے ہوئے کہا کہ یہ نسلی،مذہبی اور انسانی حقوق کی آڑ میں چین کے داخلی معاملات صریح مداخلت ہے۔

 کمیٹی کے ممبران نے کہا کہ یہ قانون چین کے اندرونی معاملات میں  مداخلت اور چین کی پرامن ترقی  کو روکنےکے امریکہ کے مذموم عزائم کو مکمل طور پر بے نقاب  کر تا ہے۔انہوں نے کہا کہ یہ ایکٹ امریکی حکومت کی طرف سے شی زانگ کوچین کا حصہ تسلیم کرنے اور تبت کی آزادی کی حمایت نہ کرنے کے وعدے سے سنگین انحراف ہے۔

انہوں نے کہا کہ قدیم زمانے سےشی زانگ چین کا  لازمی جزو ہے اور تبت کے نسلی گروپ کے لوگ چینی قوم کے رکن ہیں۔یہ وہ حقیقت ہے جسے دنیا نے تسلیم کیا ہوا ہے اور یہ  کبھی بھی تبدیل نہیں ہو سکتی۔

انہوں نے کہا کہ قدیم زمانے سے شی زانگ نے باقی تمام چین کیساتھ .جغرافیائی، ہم آہنگی، سیاسی، اقتصادی اور ثقافتی اصطلاحات کے حوالے سے نہ ٹوٹنے والےتعلقات قائم کئے ہوئے ہیں۔

امریکہ اور دلائی گروہ دلیری سے تاریخ کو مسخ  کرتا ہے اور شی زانگ پر چین کی خودمختاری کی حقیقت سے انکار کرتا ہے۔یہ  ایکٹ امریکی  غنڈہ گردی  کا ایک طریقہ ہے۔انہوں نے کہا کہ شی زانگ میں جمہوری اصلاحات کے بعد 65 سال کے دوران بڑی تاریخی تبدیلیاں آئی ہیں،2012 میں کمیونسٹ پارٹی آف چائنا کی 18 ویں قومی کانگریس کےبعد شی زانگ بہترین ترقی اور عظیم تبدیلیوں کے دور میں داخل ہو ا ہے جس کے دوران عوام کو زیادہ فائدہ حاصل ہوا ہے۔

انہوں نے کہا کہ چین کثیر النسلی اور کثیر المذہبی اعتبار سے متحد ملک ہے۔چین نےکئی سالوں سے  نسلی اتحاد،مذہبی ہم آہنگی اور سماجی استحکام  کو برقرار رکھا ہے جو ثابت کرتا ہے کہ نسلی اور مذہبی معاملات میں اس کی پالیسیاں مکمل طور پر درست ہیں۔

انہوں نے کہا کہ چینی حکومت مذہبی عقیدے کی آزادی کی پالیسی پر عمل درآمد کرتی ہے، مذہبی روایات کا احترام اور تحفظ کرتی ہے،  قانون کے مطابق مذہبی معاملات کا انتظام کرتی ہےجس  میں امریکی مداخلت مکمل طور پربلا جواز ہے۔

انہوں نے مزید کہا کہ ایک نئے، جدید سوشلسٹ شی زانگ کی تعمیر کا عمل جو متحد، خوشحال، مہذب، ہم آہنگ اور خوبصورت ہے، کسی بھی طاقت کے ذریعے روکا نہیں جا سکتا۔