مکاؤ(شِنہوا) مکاؤ خصوصی انتظامی علاقے (ایس اے آر) کے چیف ایگزیکٹو ہو آئیٹ سینگ نے "ایک ملک، دو نظام" کے لیے نئے امکانات پیدا کرنے کے حوالے سے اپنے عزم کااظہار کیا ہے۔
شنہوا کودئے گئے ایک حالیہ انٹرویومیں ہونےکہاکہ مرکزی حکام کی طرف سے پیداکردہ آسان حالات سے مکاؤ ایس اے آر حکومت مادر وطن کی جانب سے بھرپور حمایت اور دنیا کے ساتھ روابط کے فوائد کو بہتر طریقے سے بروئے کارلائے گی اورنئی ترقی کے حصول کے لیے ملکی اور بین الاقوامی منڈیوں اور وسائل کے باہمی اثرات میں اضافہ کرے گی۔
چین کے مرکزی اداروں نے ستمبر 2021 میں ہمسایہ ژوہائی شہر کے علاقے ہینگ چھن میں گوانگ ڈونگ-مکاؤ جامع تعاون زون کی تعمیر کے لیے ایک عمومی منصوبہ جاری کیا تھا، اس زون کی ترقی نے مکاؤ کی مجموعی قومی ترقی میں انضمام کی رفتارکو تیزکرتے ہوئے "ایک ملک، دو نظام" کو مزید مضبوط کیا۔
اسے ایک بڑا منصوبہ قرار دیتے ہوئےہو نے کہا کہ یہ جامع تعاون زون کوئی عام ترقیاتی زون نہیں ہے،بلکہ ایک اہم اقدام ہے جس کے لیے مکاؤ اور مین لینڈ کی طرف سے 106 مربع کلومیٹر کے رقبے پر مشترکہ انتظام کی ضرورت ہوگی اوراس کے لیے پہلے سے کوئی مثال بھی موجود نہیں ہے۔
مکاؤ ایس اے آر حکومت کے 2022 اور 2023 کے مالی سالوں کی پالیسی میں، جامع تعاون زون کا ایجنڈے میں دو مرتبہ ترجیحی طورپر اندراج کیاگیا ہے۔
ہو نے کہا کہ جامع تعاون زون نے مکاؤکو زمین اورروزگار کے حوالے سے مدد فراہم کرتے ہوئے اس کی معیشت کومتنوع بنانے کے وسیع امکانات فراہم کیے ہیں۔
گزشتہ سال کے دوران، ہینگ چھن میں کام کرنے والے کاروباری اداروں اور مکاؤ کے رہائشیوں کے لیے ترجیحی ٹیکس پالیسیاں نافذ کی گئیں۔ مین لینڈ اور مکاؤ کے سرمایہ کار سرحد پار کیے بغیر ہینگ چھن یا مکاؤ میں کاروباری رجسٹریشن کرا سکتے ہیں اور ہینگ چھن میں داخلے کے لیے مکاؤ میں رجسٹرڈ نجی مسافر گاڑیوں پر کوٹہ کی حدیں ختم کر دی گئی ہیں۔
