ہائیکو(شِنہوا) چین کے جنوبی جریزہ صوبہ ہائی نان نے متعلقہ پالیسیاں متعارف کرانے کے بعد سے گزشتہ 12 برس کے دوران آف شور ڈیوٹی فری فروخت سے 185 ارب یوآن (تقریباً 26.8 ارب امریکی ڈالرز) کمائے جو ایک ریکارڈ ہے۔

ہائیکو کسٹمز کے مطابق بدھ تک 3 کروڑ 42 ہزار 80 خریداروں نے جزیرے پر 185 ارب یوآن مالیت کی آف شور ڈیوٹی مصنوعات خریدیں۔

ہائی نان میں یہ پالیسی 20 اپریل 2011  کو نافذ ہوئی تھی جس کے تحت مقامی سیاحوں کو ٹیکس ادائیگی کے بغیر جزیرے پر مصنوعات خریدنے کی اجازت دی گئی ہے۔ اس پالیسی پر کئی مرتبہ نظرثانی ہوچکی ہے۔ جزیرے پر ٹیکس کے بغیر سالانہ خریداری مالیت کو 5 ہزار سے بڑھا کر 1لاکھ یوآن فی کس کردیا گیا اور ڈیوٹی فری اشیا کی اقسام بھی 18 سے بڑھا کر 45 کی جاچکی ہیں۔

چین نے جون 2020 میں ہائی نان کو رواں صدی کے وسط تک عالمی سطح پر بااثر اور اعلیٰ سطح کی آزاد تجارتی بندرگاہ بنانے کا ایک منصوبہ جاری کیا تھا۔ حالیہ برسوں میں جزیرہ صوبہ مقامی صارفین کے لئے ایک پرکشش خریداری مرکز میں تبدیل ہوچکا ہے۔

ہائی نان میں اس وقت 12  آف شور ڈیوٹی فری دکانیں ہیں جو مقامی سیاحت اور خریداری کے شعبے کو فروغ دینے کی برسوں کی کوششوں کا نتیجہ ہے۔