بیجنگ(شِنہوا)چین کا ای کامرس لاجسٹکس انڈیکس 2023 میں گزشتہ سال  کی نسبت 4.2 پوائنٹس بڑھ گیا۔

چائنہ فیڈریشن آف لاجسٹک اینڈ پرچیزنگ کے مطابق گزشتہ سال انڈیکس کی اوسط 110.1 پوائنٹس تھی جبکہ دسمبر 2023 میں انڈیکس 112.4 پوائنٹس پرتھا جو پچھلے مہینے کے مقابلے میں 0.7 پوائنٹس کم تھا۔

فیڈریشن نے اس کمی کی وجہ مانگ میں کمی کو قرار دیا کیونکہ بڑے ای کامرس پلیٹ فارمز کی سیلز پروموشنز نے نومبر میں بڑے سالانہ شاپنگ فیسٹیول پر بہت زیادہ توجہ مرکوز کی تھی۔

فیڈریشن نے یہ بھی نوٹ کیا کہ دسمبر میں ای کامرس لاجسٹکس کی طلب اب بھی ایک اعلی سطح پر برقرار ہے اور موسم سرما کے لباس اور برفانی سیاحتی آلات کی فروخت کی بدولت طلب میں اضافہ کا رجحان برقرار ہے۔

فیڈریشن کو توقع ہے کہ چین کا ای کامرس لاجسٹکس انڈیکس جنوری 2024 میں ایک اعلیٰ سطح پر رہے گا جس میں چھٹیوں کے دوران طلب میں جوش و خروش اور برفانی سیاحت کے دوران معاشی سرگرمیاں اہم کردار کی حامل ہوں گی۔