بیجنگ(شِنہوا)کورونا وبا کے منفی اثرات سے نمٹنے کے بعد چین کے سینما گھروں نے بہار کے تہوار کی چھٹیوں کے دوران فلم بینوں کے ہجوم کا خیر مقدم کیا۔

اس مہینے کے شروع میں وائرس سے نمٹنے کیلئے ملک کی حکمت عملی کی کامیابی کے بعد یہ بہار کے تہوار کی پہلی چھٹییاں ہیں۔

مشرقی چین کے شہر جینان میں ایک سینما مینیجر ڈونگ وین شن نے اپنے تھیٹر میں ہجوم کی واپسی کو دیکھ کر اظہار مسرت کرتے ہوئے کہا کہ  فلموں میں دلچسپی رکھنے والے سب واپس آ گئے ہیں۔

باکس آفس ٹریکر مائویان کے مطابق ہفتہ بھر کی چھٹی آج ختم ہو رہی ہے۔ یہ عام طور پر چین میں فلموں کا ایک منافع بخش دور ہے۔

چھٹیوں کے دوران باکس آفس نے جمعہ کی صبح 11 بجے تک کل 11کروڑ70لاکھ ٹکٹ فروخت کیے جس سے 6ارب16کروڑیوآن (تقریباً 90کروڑ90لاکھ امریکی ڈالر) کی زبردست آمدنی ہوئی۔