گوئی یانگ (شِنہوا) چین کے صوبہ گوئی ژو میں جو کہ ملک کا بڑا بگ ڈیٹا مرکز ہے میں رواں سال کی پہلی سہ ماہی میں 8.07 ارب یوآن (تقریباً 1.17 ارب امریکی ڈالر) سے زائد کی سرمایہ کاری کی گئی۔

صوبائی بگ ڈیٹا ڈیویلپمنٹ ایڈمنسٹریشن بیورو نے بتایا کہ مجموعی سرمایہ کاری میں سے تقریباً 1.5 ارب یوآن چین کے مشرقی خطے سے کم ترقی یافتہ لیکن وسائل سے مالا مال مغربی خطے  کو کمپیوٹنگ کے زیادہ سے زیادہ وسائل منتقل کرنے پر صرف ہوئے۔

مارچ کے اختتام تک 10 بڑے اور 8 انتہائی بڑے ڈیٹا مراکز گوئی ژو میں قائم تھے۔ قابل غور بات یہ ہے کہ 18 ڈیٹا مراکز سرور رکھنے کی مجموعی گنجائش 22 لاکھ 50 ہزار یونٹس سے تجاوز کرگئی تھی۔

مارچ کے اختتام پر انفارمیشن ڈھانچے کے اعتبار سے گوئی ژو میں  فا ئیو جی بیس اسٹیشن کی تعداد میں 2 ہزار 362 کا اضافہ کیا گیا جس سے اس کے فا ئیو جی بیس اسٹیشنز کی کل تعداد 87 ہزار ہوگئی جبکہ اس کی آپٹیکل کیبل کی مجموعی لمبائی 19 لاکھ کلومیٹر سے زائد ہوچکی تھی۔

بیورو نے بتایا کہ رواں سال گوئی ژو اپنے بگ ڈیٹا شعبے میں 20 ارب یوآن کی طے شدہ سرمایہ کاری کی تکمیل اور مضبوط ترقی کی صلاحیت کے ساتھ 200 سے زائد ڈیجیٹل معیشت منصوبے متعارف کرانے کا ارادہ رکھتا ہے۔