بیجنگ (شِنہوا) چین کے آف شورخام تیل اورقدرتی گیس پیدا کرنے والےسب سے بڑے ادارے نے بوژونگ 19-6 کنڈینسیٹ گیس فیلڈ فیز I ڈویلپمنٹ پروجیکٹ سے پیداوار شروع کرنےکااعلان کیا ہے۔

 چائنہ نیشنل آف شور آئل کارپوریشن (سنوک) نے ایک بیان میں کہا کہ  وسطی بحیرہ بوہائی میں واقع اس منصوبے کے دریافت شدہ قدرتی گیس کے ذخائر 200 ارب کیوبک میٹرسے  اور کنڈینسیٹ تیل کے ذخائر 20کروڑمکعب میٹر سے زیادہ ہیں۔

بیان کے مطابق اس اہم پیداواری سہولت میں ایک نیا قائم کردہ سنٹرل پروسیسنگ پلیٹ فارم، تین بغیر پائلٹ ویل ہیڈ پلیٹ فارم اور ایک گیس پروسیسنگ ٹرمینل شامل ہیں جبکہ 65 ترقیاتی کنوئیں شروع کرنے کا بھی منصوبہ ہے۔

سنوک  لمیٹڈ کے چیف ایگزیکٹیو آفیسرژوشِن ہوآئی نے کہا کہ "گیس فیلڈ بیجنگ-تیانجن -ہیبے خطے اور بوہائی رم کے علاقے کو مستحکم صاف توانائی فراہم کرے گی اور کمپنی کی کم کاربن اور اعلیٰ معیار کی ترقی کو فروغ دے گی۔