نیروبی (شِنہوا) اقوام متحدہ کے ماحولیات پروگرام نے چین کے بلیو سرکل ماحولیاتی منصوبے کو 2023 کے چیمپیئنز آف دی ارتھ ایوارڈ سے نوازا ہے۔اقوام متحدہ کا یہ سب سے باوقارماحولیاتی ایوارڈ  چین کی جدید میرین پلاسٹک ٹریٹمنٹ ٹیکنالوجی کے اعتراف میں دیا گیا ہے۔

نیروبی میں قائم ایجنسی کی طرف سے جاری کردہ بیان کے مطابق، رواں سال ایوارڈ کے لیے موصول ہونے والی 2ہزار 500 نامزدگیوں کے پول میں  سے پانچ کو اعزاز سے نوازا گیا۔ ان میں جنوبی افریقہ میں سائنسی و صنعتی تحقیق کی کونسل بھی شامل ہے، جس کی کوششوں نے پلاسٹک کی آلودگی کے خاتمے کی کوششوں میں اہم کردار ادا کیا ہے۔

کاروباری کیٹیگری میں اعزاز کے ساتھ، بلیو سرکل اقدام پلاسٹک کی آلودگی کے پورے لائف سائیکل کی جامع نگرانی کے لیے بلاک چین ٹیکنالوجی اور انٹرنیٹ آف تھنگز کا استعمال کرتا ہے، جس میں پلاسٹک کو   جمع کرنا،اس  کی تخلیق نو، دوبارہ تیاری اور دوبارہ فروخت شامل ہے۔

آج تک، اس منصوبے کے تحت  10ہزار700ٹن سے زیادہ سمندری ملبہ کامیابی سے اکٹھا کیا گیا ہے،جس سے یہ  چین کا سب سے بڑا سمندری پلاسٹک ویسٹ پروگرام بن گیا ہے۔