تیانجن (شِنہوا) چین کے سب سے بڑے آف شور خام تیل پیدا کرنے والے بوہائی آئل فیلڈ سے 2023 کے دوران  تیل اور گیس کی سالانہ پیداوار3کروڑ68 لاکھ  ٹن تیل کے برابر رہی۔

چائنہ نیشنل آف شور آئل کارپوریشن (سنوک)کی تیانجن برانچ کے مطابق اس سنگ میل  پیداوار میں ریکارڈ بلند ترین3کروڑ40 لاکھ ٹن خام تیل اور 3ارب50 کروڑ کیوبک میٹر قدرتی گیس شامل ہے۔

خام تیل کی پیداوار میں گزشتہ سال  کے مقابلے میں تقریباً23  لاکھ ٹن کا اضافہ ہوا جو ملک میں خام تیل کے کل اضافے کا تقریبا نصف ہے۔

1965 میں بیس کی تعمیر کے بعد سے، 50 سے زیادہ آئل اینڈ گیس فیلڈز اور تقریباً 200 پیداواری سہولیات تیار کی جا چکی ہیں، جس سے بوہائی آئل فیلڈ  چینی سمندروں میں سب سے زیادہ پیداوار کے ساتھ  سب سے بڑے پیمانے پر آئل فیلڈ بن  چکی ہے اس کی یومیہ تیل اور گیس کی پیداوار 1 لاکھ ٹن تیل سے تجاوز کر گئی ہے۔

سنوک تیانجن کے جنرل مینیجر یان ہونگ تاو کے مطابق، بوہائی آئل فیلڈ کا چین کی آف شور تیل اور گیس کی سپلائی میں اہم کردار ہے۔