بیجنگ(شِنہوا)چین نے دیہی علاقوں میں رہنے والے لوگوں کو نئی توانائی کی گاڑیاں (این ای ویز)خریدنے اور استعمال کرنے میں مدد فراہم کرنے کے لیے ایک رہنما اصول جاری کئے ہیں جس کا مقصد چارجنگ انفراسٹرکچر کی تعمیر کو فروغ دینا ہے۔

یہ ہدایت نامہ نیشنل ڈیولپمنٹ اینڈ ریفارم کمیشن(این ڈی آر سی) اور نیشنل انرجی ایڈمنسٹریشن نے مشترکہ طور پر جاری کیا ہے ۔

ملک کے دیہی علاقوں کے وسیع و عریض حصے میں فی الحال چارجنگ انفراسٹرکچر کی کمی کو مدنظر رکھتے ہوئےگائیڈ لائن میں کہا گیا ہے کہ ملک کاؤنٹی کی سطح پر چارجنگ سٹیشنوں کی مکمل دستیابی اور ٹاؤن شپ کی سطح پر چارجنگ پوائنٹس کی مکمل دستیابی کو یقینی بنانے کے لیے اپنی رفتار تیز کرے گا۔

چین ان علاقوں کی بھی حوصلہ افزائی کرے گا جہاں حالات پبلک ٹرانسپورٹ، لاجسٹکس اور ڈیلیوری اور دیگر شعبوں میں این ای ویز  کے استعمال کی اجازت دیتے ہیں اور دیہی رہائشیوں کو کھپت کے کوپن پیش کرتے ہیں جو اپنی رجسٹرڈ مستقل رہائش کے کاؤنٹی علاقوں میں این ای ویز خریدنے کا ارادہ رکھتے ہیں۔

این ڈی آر سی  کے ترجمان مینگ وی نے بدھ کو ایک پریس کانفرنس میں بتایا کہ چین میں چارجنگ انفراسٹرکچر نیٹ ورک میں چارجنگ کی سب سے زیادہ سہولیات اور دنیا میں سب سے زیادہ وسیع کوریج کے ساتھ ساتھ تمام قسم کی این ای ویز کو سہولت دینے کی صلاحیت بھی ہے۔ مینگ نے مزید کہا کہ چین میں چارجنگ پوائنٹس کی کل تعداد 52 لاکھ 10 ہزار تک پہنچ گئی ہے۔