نان ننگ (شِںہوا) چین کے جنوبی گوانگ شی ژوانگ خوداختیار خطے میں مقامی طور پر ڈیزائن کردہ تیسری نسل کے جوہری ری ایکٹر ہوالونگ ون کا استعمال کرتے ہوئے ایک نیا جوہری بجلی یونٹ فعال کردیا گیا ہےجس سے اس کا تجارتی آپریشن شروع ہوگیا ہے۔

بندرگاہی شہر  فانگ چھنگ گانگ میں فانگ چھنگ گانگ جوہری بجلی گھر کے یونٹ نمبر 3 کے فعال ہونے کے ساتھ ہی چائنہ جنرل نیوکلیئر پاور کارپوریشن کے پاس اس وقت 27 جوہری بجلی یونٹس کام کر رہے ہیں جن کی تنصیب شدہ گنجائش 3 کروڑ 5 لاکھ 60 ہزار کلوواٹ سے زائد ہے۔

گوانگ شی فانگ چھنگ گانگ نیوکلیئر پاور کمپنی لمیٹڈ کے چیئرمین می جون نے کہا کہ یونٹ نمبر 3 کے فعال ہونے سے ہوالونگ ون ٹیکنالوجی کی حفاظت اور پختگی سے متعلق مزید تصدیق ہوگئی ہے۔

می نے کہا کہ اس منصوبے سے گوانگ شی میں اقتصادی و سماجی ترقی اور سبز تبدیلی کو نمایاں طور پر فروغ ملے گا کیونکہ یہ خطہ ساحلی صاف بجلی کی فراہمی کا مرکز تعمیر کررہا ہے۔

فانگ چھنگ گانگ نیوکلیئر پاور پروجیکٹ میں مجموعی طور پر 6 جوہری بجلی یونٹ ہوں گے۔ پہلے دو یونٹس2016 میں فعال ہوئے تھے جن سے 100 ارب کلوواٹ سے زائد بجلی پیدا ہوئی۔

ہوالونگ ون ٹیکنالوجی کا استعمال کرتے ہوئے دیگر 2 یونٹس میں سے ہر ایک تقریباً 10 ارب کلو واٹ سالانہ بجلی پیدا کرسکتا ہے۔