ہاربن (شِنہوا) چین کے انتہائی شمالی صوبہ حئی لونگ جیانگ کی غیرملکی تجارت 2023 کی پہلی سہ ماہی میں گزشتہ برس کے مقابلے 29.6 فیصد اضافے سے 71.98 ارب یوآن (تقریباً 10.4 ارب امریکی ڈالرز) رہی۔

ہاربن کسٹمز کے مطابق اس عرصے میں حئی لونگ جیانگ نے 57.52 ارب یوآن مالیت کی اشیا درآمد کیں جو گزشتہ برس سے 26.6 فیصد زائد ہے جبکہ برآمدات 43.3 فیصد اضافے سے 14.46 ارب یوآن تک پہنچ گئیں۔

بیلٹ اینڈ روڈ سے منسلک ممالک کے ساتھ صوبے کی تجارت 56.98 ارب یوآن تک پہنچ گئی جو گزشتہ برس کی نسبت 30.1 فیصد زائد اور صوبے کے مجموعی غیر ملکی تجارتی حجم کے 79.2 فیصد کے مساوی ہے۔

علاقائی جامع اقتصادی شراکت داری ارکان کے ساتھ اس کی تجارت 28.1 فیصد بڑھ کر 7.06 ارب یوآن ہوگئی۔