بیجنگ (شِںہوا) چین میں ابھرتے کاروباری اداروں کی حوصلہ افزائی کے سبب ٹیلی مواصلات صنعت میں جنوری سے اکتوبر کے دوران مسلسل توسیع ہوئی ہے۔

وزارت صنعت و انفارمیشن ٹیکنالوجی کے مطابق اس شعبے میں کمپنیوں کی مجموعی کاروباری آمدن 14.2 کھرب یوآن (تقریباً 199 ارب امریکی ڈالر) رہی جو گزشتہ برس کی نسبت 6.9 فیصد زائد ہے۔

 کلاؤڈ کمپیوٹنگ، بگ ڈیٹا، انٹرنیٹ آف تھنگز اور انٹرنیٹ ڈیٹا سینٹرز جیسے ابھرتے شعبوں  میں  گزشتہ برس کی نسبت آمدن 20.5 فیصد اضافے سے 301.2 ارب یوآن رہی۔

چین کی 3 ٹیلی کام کمپنیوں چائنہ موبائل، چائنہ ٹیلی کام اور چائنہ یونی کام نے ابتدائی 10 ماہ کےدوران 219 ارب یوآن کی آمدن حاصل کی جو گزشتہ برس کے مقابلے میں 9.3 فیصد بڑھ گئی۔

فائیو جی ٹیکنالوجی میں اس عرصے میں مسلسل توسیع جاری ر ہی جبکہ اکتوبرکے اختتام تک چین میں 32 لاکھ 15 ہزار 5 جی بیس اسٹیشن اور 75 کروڑ 40 لاکھ 5 جی صارفین تھے۔

اکتوبر کے اختتام تک چین کے تقریباً نصف موبائل فون صارفین فائیو جی سروس استعمال کر رہے  تھے۔