بیجنگ(شِنہوا)چین کی ٹیلی کمیونیکیشن انڈسٹری نے ابھرتے ہوئے کاروباری اداروں کی وجہ سے  2023 کے پہلے 11 ماہ میں مسلسل ترقی کی ہے۔

وزارت برائے صنعت وانفارمیشن ٹیکنالوجی کےاعداد و شمارکے مطابق، جنوری سے نومبر کے عرصے میں اس شعبے کی فرموں کی مشترکہ کاروباری آمدنی 15کھرب50ارب یوآن (تقریباً 218 ارب  ڈالر) رہی، جو گزشتہ سال سے 6.9 فیصدزیادہ ہے۔ اس مدت کے دوران، بگ ڈیٹا، کلاؤڈ کمپیوٹنگ اور انٹرنیٹ آف تھنگزجیسے ابھرتے ہوئے شعبوں  نے مضبوط کارکردگی کا تسلسل جاری رکھا۔

چین کی تین ٹیلی کام کمپنیوں چائنہ ٹیلی کام، چائنہ موبائل اور چائنہ  یونیکوم کی  ابھرتے ہوئے کاروبارسے آمدنی گزشتہ سال کی نسبت20.1 فیصد اضافے سے 332 ارب60 کروڑ یوآن تک پہنچ گئی جس سے ٹیلی کام سیکٹر کی مجموعی آمدنی میں 3.8 فیصد اضافہ ہوا۔