جینان (شِنہوا) چین کےمشرقی صوبہ شان ڈونگ کے دارالحکومت جینان میں منعقدہ 31 ویں قومی کتب میلے کے دوران مختلف مضوعات پر 7 لاکھ سے زائد مطبوعات پیش کی گئی ہیں۔ نمائش آن لائن اور آف لائن دونوں طرح سے منعقدہ ہورہی ہے۔

نمائش گاہ میں 8 پویلین قائم کئے گئے جس کا مجموعی رقبہ 1 لاکھ مربع میٹرز ہے۔ اس میں ملک بھر سے 1 ہزار 700 سے زائد اشاعتی ادارے شرکت کررہے ہیں۔

اس نمائش میں تقریباً 750 سرگرمیوں کا انعقاد کیا جائے گا جن میں منتخب کتابوں کی نمائش، جدید اشاعت ، پینٹنگز اورانٹرویوز وغیرہ شامل ہیں جس کا مقصد نئے دور میں اشاعتی صنعت میں اعلیٰ معیار کی ترقی میں حاصل کامیابیوں کو ظاہر کرنا ہے۔ نمائش 31 جولائی تک جاری رہے گی۔

نمائش میں مصنوعی ذہانت سے چلنے والی ایپلی کیشنز بھی پیش کی جائیں گی تاکہ قارئین اور سامعین ایک نئے تجربے سے روشناس ہوسکیں۔