بیجنگ (شِنہوا) چین کے کاروباری اداروں  کی رواں سال کے آغاز سے ہی فروخت سے ہونے والی آمدنی میں زبردست اضافہ ہوا ہے۔

اسٹیٹ ٹیکسیشن ایڈمنسٹریشن کے سربراہ وانگ جون نے جمعرات کو پریس کانفرنس میں بتایا کہ ملک بھر میں کاروباری اداروں  کی  فروخت سے ہونے والی مشترکہ آمدنی میں 2023 کے پہلے تین ماہ میں گزشتہ سال کے مقابلے میں 4.7 فیصد اور گزشتہ سال کی چوتھی سہ ماہی کے مقابلے میں 6.2 فیصد پوائنٹس کا اضافہ ہوا۔

وانگ نے کہا کہ مارچ میں ترقی کی رفتار مزید واضح ہوئی اور فروخت سے ہونے والی آمدنی میں ایک سال پہلے کے مقابلے میں 12.8 فیصد اضافہ ہوا۔

جنوری تامارچ کے اعداد و شمار سے اس بات کی تصدیق ہوتی ہے کہ  پچھلے سال جولائی سے شروع ہونے والے چینی کاروباری اداروں کی فروخت کی آمدنی میں طویل خسارے کا رجحان تبدیل ہوگیا ہے۔

وانگ نے کہا کہ کاروباری اعتماد کو بھی تقویت ملی کیونکہ کاروباری اداروں کی خریداریوں کی مالیت میں مارچ میں گزشتہ سال سے 14.1 فیصد اضافہ ہوا، جو جنوری سے فروری تک کے 1.3 فیصد سے نمایاں طور پر زیادہ ہے۔