چھنگ دو(شِنہوا) چین کے خوش ترین شہروں کی 2023 کی فہرست گزشتہ روز جنوب مغربی صوبے سیچھوان کے دارالحکومت چھنگ دو میں منعقدہ خوش کن شہروں کے فورم 2023 میں جاری کردی گئی۔ ریاستی منصوبے میں خاص طور پر نامزد کردہ  سب سے زیادہ 10 خوش کن صوبائی دارالحکومتوں اور شہروں میں چھنگ دو اور ہانگژو شامل ہیں، چھنگ دو کو بہترین کھانوں کے حوالے سے یونیسکو کے تخلیقی شہروں میں سے ایک کہا جاتا ہے جبکہ اطالوی سیاح مارکو پولو نے ہانگژو کو  "جنت کا شہر" قرار دیا تھا۔

فہرست میں ننگبو، نانجنگ، گوانگ ژو، چھانگشا، شین یانگ، ہوہوٹ، چھنگ داؤ اور تائی یوآن کے شہر بھی شامل ہیں۔ شِنہوا نیوز ایجنسی کے زیر انتظام اورینٹل آؤٹ لک میگزین کے زیر اہتمام  خوش ترین شہروں کے سروے اور انتخاب کی تقریب مسلسل 17 سالوں سے منعقد کی جا رہی ہے۔