بیجنگ(شِنہوا) چین میں یکم نومبر 2023 سے برآمد کنندگان متعدد پلیٹ فارمز کے ذریعے سرٹیفکیٹ آف اوریجن کے لیے براہ راست درخواست دے سکیں گے۔

جنرل ایڈمنسٹریشن آف کسٹمز (جی اے سی)نے گزشتہ روز ایک بیان میں بتایا  کہ ان پلیٹ فارمز میں چائنہ انٹرنیشنل ٹریڈ سنگل ونڈو، انٹرنیٹ پلس کسٹمز پلیٹ فارم کے ساتھ ساتھ چائنہ کونسل فار دی پروموشن آف انٹرنیشنل ٹریڈ کا آن لائن ایپلیکیشن سسٹم بھی شامل ہے۔

پہلے، برآمد کنندگان کو سرٹیفکیٹ کے لیے درخواست دیتے وقت کسٹم ادارے کے  انتظامی عمل سے گزرنا پڑتا تھا۔ اعلان میں کہا گیا کہ اس ایڈجسٹمنٹ کے ساتھ انتظامی عمل کو ختم کر دیا جائے گا۔

بیان میں مزید کہا گیا ہے کہ اس تبدیلی کا مقصد سرحد پار تجارتی کاروباری ماحول کو مزید بہتر بنانا اور تجارتی سہولیات میں اضافہ کرنا ہے۔