ٹیگو سیگالپا(شِنہوا) ہنڈوراس کی نیشنل کانگریس کے نائب صدرراسل ٹوم نے کہا ہے کہ عالمی ترقی کے فروغ کے لیے چین کے  مجوزہ اقدامات  ہونڈوراس اور پوری دنیا کے لیے ایک موقع فراہم کرتے ہیں۔

شِنہواسے گفتگو کرتے ہوئے انہوں نے کہا کہ چین کا بین الاقوامی تعلقات، تعاون، کثیر قطبی اور باہمی تعاون کا وژن جو برابری اور خودمختاری اور سلامتی کے احترام پر مبنی ہے عالمی معیشت کے لئے ضروری ہے۔

انہوں نے کہا کہ یہ بالکل اسی طرز پر ہے جب تبادلوں اورمعیشت میں بہتری اورشہریوں کے حالات اور معیار زندگی کو بہتربنا کرمعاشرے ترقی حاصل کرتے ہیں۔

گورننگ لبرٹی اینڈ ریفاؤنڈیشن پارٹی کے نائب صدر ٹوم نے کہا کہ ہونڈوراس کو، جس نے 26 مارچ کو چین کے ساتھ سفارتی تعلقات قائم کیے آزاد تجارتی معاہدے کے لیے مذاکرات کا آغاز کیا، بیلٹ اینڈ روڈ منصوبے کے فریم ورک کے تحت مواقع اور متعدد ترقیاتی آپشنزکی امید ہے۔