بیجنگ(شِنہوا)پیپلز بینک آف چائنہ کے سابق نائب گورنر فان یی فی کے خلاف رشوت خوری کے الزام میں سرکاری سطح پرمقدمہ دائرکیا گیا ہے۔

بدھ کو ایک سرکاری بیان میں کہا گیا کہ صوبہ ہوبے میں ہوانگ گانگ میونسپل پیپلز پروکیوریٹوریٹ نے حال ہی میں ہوانگ گینگ کی انٹرمیڈیٹ پیپلز کورٹ میں فان کے خلاف مقدمہ دائر کیا ہے۔

 یہ مقدمہ فان کے معاملے میں نگرانی کے قومی کمیشن کی تحقیقات کے اختتام کے بعد دائر کیاگیا ہے۔ وہ بینک کیلئے کمیونسٹ پارٹی آف چائنہ کی کمیٹی کے سابق رکن بھی تھے۔

 پرکیوریٹریٹ نے فان پر الزام لگایا کہ انہوں نے اپنے سرکاری اختیارات یا عہدوں کا ناجائز فائدہ اٹھاتے ہوئے دوسروں کے لیے فائدہ اٹھایا اور اس کے بدلے میں غیر قانونی طور پربڑی رقم اور قیمتی چیزیں وصول کیں۔

استغاثہ کا کہنا تھا کہ رشوت لینے کے جرم کے ارتکاب پر فان کو مجرمانہ طور پر ذمہ دار ٹھہرایا جانا چاہیے۔