بیجنگ (شِنہوا) چین کامرکزی بینک ملکی طلب میں اضافے اور حقیقی معیشت کے لیے بھرپور مدد فراہم کرنے کے لیے میکرو اکنامک ضابطوں کو مضبوط کرے گا، کیونکہ ملک کی اقتصادی بحالی میں تیزی آ رہی ہے۔
پیپلز بینک آف چائنہ (پی بی او سی) نے بدھ کو ایک بیان میں کہا کہ عالمی معیشت کے ساتھ ساتھ بین الاقوامی تجارت اور سرمایہ کاری میں سست روی کے باعث بیرونی ماحول زیادہ پیچیدہ اور سنگین ہوتا جا رہا ہے اور اب بھی بلند افراط زر اور ترقی یافتہ ممالک میں شرح سود کے بلند رہنے کی توقع ہے۔
پی بی او سی مانیٹری پالیسی کمیٹی کے تیسری سہ ماہی کے اجلاس کے بعد جاری بیان میں مرکزی بینک نے کہا کہ ملکی معیشت کی بحالی کی رفتارتیز ہو رہی ہے، لیکن اسے اب بھی ناکافی طلب جیسے چیلنجز کا سامنا ہے۔
بیان میں کہا گیا ہے کہ پی بی او سی مسلسل مدد فراہم کرتے ہوئے اقتصادی رفتار میں اضافہ کرے گا، میکرو اکنامک ریگولیشن کی مضبوطی کے عمل کو تیز اورایک اہدافی طریقے سے محتاط مالیاتی پالیسی پر عملدرآمد کرتے ہوئے کاؤنٹرسائیکلیکل اور کراس سائیکلکل ایڈجسٹمنٹ کرے گا۔
