براٹیسلاوا (شِنہوا) سلوواکیہ میں چین کے نئے سفیر کائی گی نے کہا ہے کہ چین سلوواکیہ کے ساتھ باہمی احترام، مساوات، باہمی فائدے اور ہمہ جہت  تعاون کے اصولوں کی بنیاد پر دوطرفہ تعلقات کو آگے بڑھانے کا خواہاں ہے۔

با ہمی تعلقات پر  آئندہ سلوواکیہ کے پارلیمانی انتخابات کے نتائج کا کو ئی فرق نہیں پڑے گا۔

کائی نے یہ بات  چین کے قیام کی 74 ویں سالگرہ کے موقع پر منعقدہ ایک استقبالیہ تقریب میں کہی۔

 انہوں نے مزید کہا کہ دوستانہ دوطرفہ تعلقات کو فروغ دینا ہمارے ممالک اور عوام کے بنیادی مفاد میں ہے۔

سلوواکیہ کی نیشنل کونسل کے اسپیکر بورس کولر، ڈپٹی اسپیکر پیٹر پیکولینسکی، سلوواکیہ کی وزارت خارجہ اور یورپی امور کے سیکرٹری جنرل پاول سیکورسن اور سلوواکیہ میں زندگی کے تمام شعبوں سے تعلق رکھنے والے افراد نے استقبالیہ میں شرکت کی۔

کائی نے کہا کہ چین اور سلوواکیہ کے روایتی دوستانہ اور تعاون پر مبنی تعلقات ہیں ۔

 کائی نے مزید کہا کہ سلوواکیہ اب چین کا چوتھا سب سے بڑا تجارتی شراکت دار اور وسطی اور مشرقی یورپ میں درآمدات کا سب سے بڑا ذریعہ ہے  جبکہ چین یورپی یونین کے باہر سلوواکیہ کا سب سے بڑا تجارتی شراکت دار ہے۔سلوواکیہ میں پارلیمانی انتخابات 30 ستمبر کو ہوں گے۔