گوئی یانگ (شِنہوا)  چین کے جنوب مغربی صوبے گوئی ژو میں دور دراز کے پہاڑی علاقوں میں بجلی کے سب سٹیشنوں پر معمول کے معائنے کے لیے روبوٹ کا استعمال شروع کر دیا گیاہے۔

چائنہ سدرن پاور گرڈ کی گوئی ژو برانچ کے مطابق، اب تک، تون گرین شہر کے 10 پاور سب سٹیشنوں پر 13 روبوٹ تعینات کیے گئے ہیں، جہاں وہ خودکار معائنہ گشت کر سکتے ہیں۔ تون گرین میں تائی پھنگ پاور سب اسٹیشن کے سربراہ ژو جِنگ یو نے بتایا کہ روبوٹ ہفتے میں ایک بار 100 فیصد درستگی کی شرح سے، انسانی مداخلت کے بغیر اسٹیشن پر 3ہزار800 پوائنٹس کو چیک کر سکتے ہیں۔ ژو نے کہا کہ اعلیٰ کارکردگی کے حامل  سینسرز اور ہائی ڈیفینیشن کیمروں سے لیس، انسانی انسپکٹرز کے 12 گھنٹے کے مقابلے میں روبوٹ 50 منٹ میں معمول کا گشت مکمل کر سکتے ہیں، ، انسانی انسپکٹرز کوسب سٹیشن تک سفر کرنے میں مزید 40 منٹ  لگتے تھے۔