بیجنگ (شِنہوا) چین میں مارکیٹ کی طلب اور رسد دونوں میں بہتری ہوئی ہے جس کے سبب ستمبر میں روڈ لاجسٹکس پرائس انڈیکس میں مسلسل تیسرے ماہ اضافہ ہوا۔

چائنہ فیڈریشن آف لاجسٹکس اینڈ پرچیزنگ اور گوانگ ڈونگ لین آن لاجسٹکس گروپ کے مشترکہ سروے کے مطابق گزشتہ ماہ انڈیکس 102.9 تھا جو اگست کی نسبت 0.36 فیصد زائد ہے۔

ہر قسم کی گاڑیوں کے ذیلی انڈیکس میں ماہانہ بنیاد پر معمولی اضافہ ہوا ۔ مکمل ٹرک لوڈ لاجسٹکس 0.36 فیصد بڑھ کر 103.1 ہوگیا۔ یہ اعدادوشمار بنیادی طورپربڑے پیمانے پر اجناس اور بین العلاقائی نقل وحمل کی پیمائش کرتے ہیں۔

چین کی اقتصادی بحالی کو مضبوط رفتارحاصل ہے جس کے سبب ستمبر میں مارکیٹ کی طلب میں اضافہ جاری رہا۔

سروے کے مطابق رسد میں بھی بحالی کا سلسلہ جاری ہے کیونکہ حالات بہتر ہونے سے اداروں کی صلاحیت میں اضافہ ہوا ہے۔

اس میں توقع ظاہر کی گئی ہے روڈ ٹرانسپورٹ مارکیٹ بحالی کی اچھی رفتار برقرار رکھے گی اور چوتھی سہ ماہی میں فریٹ پرائس انڈیکس میں اتار چڑھاؤ اور زبردست بحالی ہوگی جو سب سے زیادہ پیداوار اور تعمیراتی سیزن ہے۔