ہائیکو(شِنہوا) چین کے جنوبی گوانگ شی ژوانگ خودمختار علاقے کی حکومت کے سابق نائب چیئرمین لیو ہونگ وو پر رشوت خوری کے الزام میں بدھ کو صوبہ ہائی نان کی ایک عدالت میں مقدمہ چلایا گیا۔

  2005 اور 2022 کے درمیان لیونےمبینہ طورپر گوانگ شی میں اپنے مختلف عہدوں کا فائدہ اٹھایا جس میں علاقائی ترقی اور اصلاحاتی کمیشن کے ڈائریکٹر کے عہدے اور علاقائی حکومت کے نائب چیئرمین کے عہدوں پر رہتے ہوئے پروجیکٹ کے ٹھیکوں، لینڈ ڈویلپمنٹ اورسبسڈیزجیسے شعبوں میں دوسروں کو فائدہ پہنچایا۔

 استغاثہ کے مطابق لیونے بدلے میں 8 کروڑ 37 لاکھ 30 ہزاریوآن (تقریباً 1 کروڑ 18 لاکھ 20 ہزار ڈالر) سے زائد مالیت کی رقم اور قیمتی اشیاء وصول کیں۔

عدالت میں استغاثہ نے اپنے شواہد پیش کیےجن پر مدعا علیہ اور اس کے وکلاء نے جرح کی۔

اپنے آخری بیان میں لیو نے اعتراف جرم کرتے ہوئے پشیمانی کا اظہار کیا۔

سماعت کی تکمیل پر فیصلہ سنایا جائے گا۔