چھانگ چھون(شِنہوا) چین کے صوبہ جیلن کے شہر چھانگ چھون کی انٹرمیڈیٹ پیپلز کورٹ میں جمعرات کے روز سابق سینئر انضباطی انسپکٹر لیو یان پھنگ کیخلاف رشوت خوری کے مقدمہ کی سماعت کا آغاز ہو گیا ہے۔

لیو یان پھنگ کمیونسٹ پارٹی آف چائنہ کی انضباطی معائنہ کمیشن اور قومی نگران کمیشن کی طرف سے وزارت برائے ریاستی سلامتی میں بھیجی جانیوالے انضباطی معائنہ اور نگران ٹیم کے سابق سربراہ رہ چکے ہیں۔

 لیو یان پھنگ پر الزامات ہیں کہ انہوں نے 2001ء اور 2022ء کے درمیان اپنے مختلف عہدوں کا فائدہ اٹھاتے ہوئے کاروباری معاملات ، مقدمات کو نمٹانے، ملازمتوں کے انتظامات اور لائسنس پلیٹس کے حصول میں دوسروں کی مدد کی ۔ جس کے بدلے میں انہوں نے غیرقانونی طور پر 23 کروڑ 40 لاکھ یوآن (تقریباً 3 کروڑ 31 لاکھ 20 ہزار امریکی ڈالر) مالیت کے تحائف اور نقد رقوم وصول کیں۔

مقدمے کی سماعت کے دوران استغاثہ نے اپنے شواہد پیش کیے جن کا مدعا علیہ اور اس کے وکلا نے جائزہ لیا۔

اپنے حتمی بیان میں لیویان پھنگ نے اعتراف جرم کرتے ہوئے پشیمانی کا اظہار کیا۔

مقدمے کی سماعت میں 20 سے زائد عوامی اراکین نے شرکت کی۔

لیو کی سزا کا اعلان بعد میں کیا جائے گا۔