بوجمبورا (شِنہوا) برونڈی کے ایک سینئر زرعی عہدیدار نے کہا ہے کہ برونڈی، چین کے ساتھ اپنے زرعی تعاون کو انتہائی قدر کی نگاہ سے دیکھتا ہے اور ملک کے زرعی منصوبوں کے لیے مزید حمایت کی امید رکھتا ہے۔

برونڈی کی ماحولیات، زراعت اور لائیو سٹاک کی وزارت کے مستقل سیکرٹری پراسپر ڈوڈیکو نے کہاہے کہ برونڈی اور چین کے درمیان زراعت کے شعبے میں تعاون کا لگا یا جا نے والا تخمینہ بہت مثبت ہے ۔ اس تعاون سےدونوں فریقین تجربات کا اشتراک کرنے کے حامل  ہیں۔یہ خصو صی طور پر اس لئے تسلیم کیا جاتا ہے کہ چین کے پاس آبادی کی ضروریات کو پورا کرنے کے لئے پیداوار بڑھانے میں مہارت اور تجربہ موجود ہے۔

انہوں نے ملک کے تجارتی دارالحکومت بوجمبورا میں ایک حالیہ انٹرویو میں شِنہوا کو بتا یا کہ ہم مثبت نتائج خصوصاً چاول کی پیداوار میں اضافے کے گواہ ہیں ۔ ہمارے مقامی ماہرین نے چاول کی اقسام کے انتخاب سے فائدہ اٹھایا تاکہ بیماریوں کے خلاف مزاحمت کرنے والی اقسام پیدا کی جا سکیں جس سے بڑے پیما نے پر فصل کی کا شت ہو سکے۔

صوبہ بوبنزا کے ضلع کیہنگا میں چینی زرعی ماہرین نے ایک کثیر الجہتی تحقیقی مرکز قائم کیا ہے جہاں چاول کی ہائبرڈ اقسام کی کامیابی سے کاشت کی گئی ہے۔

برونڈی کے اعداد و شمار کے مطابق اس سے قبل تین سے چار ٹن چاول پیدا کر نے والا دھان کا ایک ہیکٹر کھیت  اب چینی ٹیکنالوجی سے 10 سے 11 ٹن چاول پیدا کر سکتا ہے۔

ڈوڈیکو نے کہا کہ دوطرفہ زرعی تعاون میں مکئی، مچھلی کی کاشت اور پولٹری بھی شامل ہیں۔