ہوہوٹ(شِنہوا)چین کے اندرونی منگولیا خود اختیار علاقے میں واقع سب سے بڑے سولر تھرمل پاور پلانٹ سے رواں سال 31 مارچ تک گزشتہ 12 ماہ کے دوران 33کروڑ کلو واٹ گھنٹے بجلی پیدا کی گئی۔ چائنہ شپ بلڈنگ نیو پاور کمپنی کے ڈیزائن اور تیارکردہ ، اُرد مڈل بینر میں 100میگا واٹ شمسی تھرمل پاور جنریشن اور اسٹوریج کے اس  منصوبےنے اکتوبر 2021 میں  نیشنل ایکسپیٹنس کا امتحان پاس کیا تھا۔ پاور پلانٹ کے جنرل مینیجر ژو شینگ گو نے کہا کہ اس سال کی پہلی سہ ماہی میں کمپنی نے سردیوں میں سسٹم کی اندرونی صفائی سے متعلق تکنیکی رکاوٹ کو دورکیا اور اس مدت کے دوران گزشتہ سال کے مقابلے میں بجلی کی پیداوار میں 1کروڑ95لاکھ کلو واٹ گھنٹے کا اضافہ ہوا۔ پاور اسٹیشن فی الحال چوبیس گھنٹے اور پوری صلاحیت کے ساتھ کام  کرتے ہوئے 3لاکھ گھرانوں کی روزانہ شام کی بجلی کی ضروریات کو پورا کرنے کی صلاحیت رکھتا ہے۔