جیوچھوان (شِںہوا) چین کے تین خلاباز 6 ماہ کا خلائی اسٹیشن مشن مکمل کرنے کے بعد اتوار کو بحفاظت زمین پر واپس پہنچ گئے۔

چائنہ مینڈ خلائی ایجنسی کے مطابق شین ژو-15 کا واپسی کیپسول چین کے شمالی اندرونی منگولیا خوداختیارخطے میں صبح 6 بجکر 33 منٹ (بیجنگ وقت) ڈونگ فینگ لینڈنگ مقام پر اترا۔ اس میں خلاباز فی جون لونگ، ڈینگ چھنگ منگ اور ژانگ لو شامل تھے۔

ایجنسی نے اعلان کیا کہ شین ژو۔ 15 انسان بردار مشن کامیاب رہا اور خلاباز صحت یاب ہیں۔

خلا بازوں کو باہر نکالنے میں زمینی کارکنوں نے معاونت کی اور انہوں نے کرسیوں کو کیپسول کے سامنے رکھا۔

اکتوبر 2005 میں ملک کے دوسرے خلائی مشن شین ژو۔ 6 میں بھی حصہ لینے والے مشن کمانڈر فی نے کہا کہ ہم نے تمام طے شدہ کام مکمل کرلئے اور مادر وطن واپس آنے کے بعد اچھا محسوس کررہے ہیں۔

چین، شمالی اندرون منگولیا خوداختیار خطے میں ڈونگ فینگ لینڈنگ مقام پر شین ژو ۔15 انسان بردار جہاز کے واپسی  کیپسول سے باہر آنے والے خلا باز ڈینگ چھنگ منگ کو دیکھا جاسکتا ہے۔ (شِںہوا)

ڈینگ نے کہا کہ وہ پورے ملک کے لوگوں کی حمایت اور حوصلہ افزائی پر شکر گزار ہیں۔ انہیں 25 برس کی تیاری کے بعد خلا میں جانے کا موقع ملا تھا۔

میں ہمیشہ خوابوں اور استقامت کی طاقت پر یقین رکھتا ہوں. اس سے کوئی فرق نہیں پڑتا کہ میری عمر کتنی ہے، میں قوم کی ضرورت پوری کرنے پر خوش ہوں۔

چین کے خلا بازوں کے دوسرے گروپ سے تعلق رکھنے والے ژانگ نے کہا کہ وہ اب بہت پرجوش ہیں۔ وہ خلائی اسٹیشن پر  اکثر کھڑکی سے اپنے مادر وطن اور آبائی شہر کو تلاش کرنے کی کوشش کرتے تھے۔

ژانگ نے مزید کہا کہ ہم جلد اپنے جسم کو ایڈجسٹ کریں گے، تربیت میں واپس جائیں گے اور مستقبل میں خلائی مشن کے لئے تیار ہوں گے۔

چین، شمالی اندرون منگولیا خوداختیار خطے میں ڈونگ فینگ لینڈنگ مقام پر شین ژو۔ 15 انسان بردار جہاز کے واپسی کیپسول سے باہر آنے والے خلا باز ژانگ لیو کو دیکھا جاسکتا ہے۔ (شِںہوا)

پرواز کے طریقہ کار تحت صبح 5 بج کر 42 منٹ پر واپسی  کیپسول شین ژو -15 کے مدار میں گردش کرنے والے کیپسول سے الگ ہوا تھا۔

واپسی کیپسول کے اترنے کے فوراً بعد زمینی ٹیم لینڈنگ کے مقام پر پہنچ گئی۔ طبی عملے نے تصدیق کی ہے کہ خلابازوں کی صحت اچھی ہے۔

چین نے 29 نومبر 2022 کو انسان بردار خلائی جہاز شین ژو۔ 15 لانچ کیا تھا۔ اس کے عملے کی اوسط عمریں چین کے مشن عملہ میں سب سے زیادہ تھیں ۔ شین ژو ۔15 کے عملے نے کامیابی سے 4 اضافی سرگرمیاں مکمل کیں۔ یہ عملہ اب تک سب سے زیادہ اضافی سرگرمیاں کرنے والا عملہ بن چکا ہے۔

عملے نے ملک کے خلائی اسٹیشن کی تعمیر کی تکمیل کا مشاہدہ کیا۔