شینزین(شِنہوا)19 واں چائنہ (شینزین) بین الاقوامی ثقافتی صنعتی میلہ بدھ کو چین کے جنوبی صوبہ گوانگ ڈونگ کے شہرشینزین میں شروع ہوا جس سے ملک کی ثقافتی صنعت کی ترقی میں ایک نئی تحریک پیدا ہونے کی امید ہے۔

 قومی سطح کے پانچ روزہ میلے میں 3 ہزار 500  سے زائد  سرکاری ادارے، ثقافتی تنظیمیں اورکمپنیاں شرکت کر رہی ہیں جبکہ میلے میں بنیادی طور پر آف لائن تقریبات شامل ہیں۔

قومی سطح کے مارکیٹ شراکت داروں، بڑے پلیٹ فارمز اور ثقافتی صنعتوں میں جدید ترین تکنیکی اختراعات کو اجاگر کرنے اور فروغ دینے کے لیے پہلی بار ایک ڈیجیٹل چائنہ نمائش کا علاقہ قائم کیا گیا ہے۔

میلےمیں ثقافتی صنعتوں کی اختراعی ترقی کو فروغ دینے اور معلومات کے تبادلے کے لیے فورمز، کانفرنسیں، معاہدہ تقاریب اور تخلیقی مقابلے بھی منعقد کیے جائیں گے۔