شین یانگ(شِنہوا)  چین کے شمال مشرقی صوبے لیاؤننگ کے شہر لنگ ہائی میں مشرقی ہان عہد (25-220) کے  قدیم مقبرے دریافت ہوئے ہیں۔

اس کھدائی کا آغاز مارچ میں لیاؤننگ کے صوبائی انسٹی ٹیوٹ برائے ثقافتی آثار وآثار قدیمہ نے کیا تھا۔ انسٹی ٹیوٹ کے ایک محقق سو جون چھیانگ نے بتایا کہ دریافت ہونے والے آٹھ مقبرے اینٹوں سے بنے ہوئے ہیں۔ سو نے بتایا کہ  مقبروں سے مردوں کے ساتھ دفن کی جانے والے سو سے زیادہ اشیا بھی برآمد ہوئی ہیں جن میں  برتن، کلش، پلیٹیں اور کھانا پکانے کے چولہے کے ماڈل اور ایک کنویں کی دریافت شامل ہے۔ایک مقبرے میں آثار قدیمہ کے ماہرین کو ایک تابوت بھی ملا جس کے اندر سے ایک انسانی ڈھانچہ ملا۔ سو نے مزید کہا کہ مقبروں کی ساخت اور ان کی تدفین کی چیزیں مشرقی ہان عہد کے نمونوں کی خصوصیات کی حامل ہیں۔