شی جیاژوانگ(شِنہوا) چین کے شمالی صوبے ہیبے میں ایک اہلکار کا  502 سال پرانا کتبہ دریافت ہوا ہے۔ مقامی حکام کے مطابق  نیلے پتھر کی سِل پر کھدا ہوا، منگ عہد(1368-1644) سے تعلق رکھنے والا یہ کتبہ شنگتائی شہر کے ژاؤپائی گاؤں میں دریافت ہوا جو 130 سینٹی میٹر لمبا، 75 سینٹی میٹر چوڑا اور 22 سینٹی میٹرموٹا ہے۔ اس کتبے کو ژاؤ سمنگ نامی ایک مقامی اہلکار کے مقبرے پر نصب  کیا گیا تھا۔ اس میں ایک طرف 854 چینی حروف شامل ہیں جس میں ژاؤ کی تعلیم اور کام کے تجربے کے ساتھ ساتھ چین میں سب سے اہم روایتی اخلاقی اصولوں میں سے ایک ،والدین اور بزرگوں کے احترام بارے تین نسلوں سے چلی آرہی روایات درج ہیں۔

 کتبے کے دوسری طرف ژاؤ کے خاندان کے حوالے سے تفصیل کندہ ہے  جو قریبی صوبے شنشی سے ہیبےمنتقل ہوا تھا۔