تیانجن(شِنہوا) چین کی شمالی تیانجن میونسپلٹی کے قدیم شہر کی دیوار کے مقام سے یوآن عہد (1271-1368) کے 2 ہزار سے زائد چینی مٹی کے برتن، مٹی کے برتن، دھاتی سامان اور دیگر نوادرات دریافت ہوئی ہیں۔

تیانجن کے موجودہ نانکائی ضلع میں واقع، تیانجن کے قدیم مشرقی شہر کی دیوار کے مقام پر مختلف آثارپائے جاتے ہیں جن میں شہر کی دیوار کی بنیادیں، سڑکیں اور ریلوے ٹریکس شامل ہیں، جو منگ (1368-1644)اور چھنگ کے عہد(1644-1911) اور1911 سے 1949 کے درمیان تعمیر کی گئی تھیں۔

اس جگہ پر بڑے پیمانے پر کھدائی کا آغاز 2017 میں کیا گیا تھا۔ ثقافتی آثار کے تحفظ کے میونسپل مرکز کے مطابق اس نے ملک کے جدید شہروں کے بارے میں مزید تحقیق کے لیے اہم شواہد اور نمونے دریافت کیے ہیں۔

اس دریافت سے قدیم تیانجن شہر کی تعمیراتی تاریخ کے ثبوت فراہم ہوئے ہیں، جس کے بارے میں خیال کیا جاتا ہے کہ اسے منگ عہد کے ابتدائی دور کے بعد تعمیر کیا گیا تھا۔