شیامن(شِنہوا)چین کے مشرقی ساحلی شہر شیامن میں بجلی کی فراہمی کی صنعت سے متعلق 24ویں کانفرنس جمعہ کو شروع ہوئی جو کوویڈ۔19وبا کے بعد عالمی سطح پر اپنی نوعیت کی پہلی آف لائن کانفرنس ہے۔

"کم کاربن توانائی، ایک سرسبز مستقبل کے لیے" کے عنوان سے کانفرنس نے توانائی کے معروف کاروباری اداروں، حکام اور ایشیا پیسیفک خطے میں بین الاقوامی تنظیموں کے نمائندوں سمیت 2 ہزارسے زیادہ مندوبین کو اپنی طرف متوجہ کیا ہے۔

کانفرنس کے دوران، چین کے دوہرے کاربن اہداف، سرسبز اور کم کاربن کے اخراج پر مبنی ترقی، بجلی کی فراہمی، نئے پاور سسٹم، نئی پاور مارکیٹس اور جامع توانائی جیسے عالمی تشویش کے اہم مسائل پر تفصیلی بات چیت اور باہمی تبادلہ خیال کیا جائے گا۔