تائی یوان(شِنہوا)چین کےشمالی صوبے شنشی میں ووتائی کاؤنٹی کے گاؤں شنگ پھنگ میں مکئی کی پروسیسنگ مِل میں دم گھٹنے کا واقعہ پیش آیا جس کے نتیجے میں سات افراد ہلاک ہوگئے۔

مقامی حکام کے مطابق ابتدائی تحقیقات سے پتا چلا ہے کہ متاثرین کی موت زہریلی کاربن مونو آکسائیڈ  پھیلنے کے باعث ہوئی ہے۔

یہ واقعہ منگل کی شام اس وقت شروع ہواجب شان نامی ایک شخص مل کی خشک کرنے والی سہولت کے فیڈنگ پِٹ میں داخل ہوا جو اس سال کے آغاز سے غیرفعال ہے جبکہ داخلے کے فوری بعد شان سے رابطہ منقطع ہوگیا۔

اس کے بعد چھ افراد بچاؤ کی کوششوں میں گڑھے میں داخل ہو گئے لیکن خیال کیا جا رہا ہے کہ زہریلی گیس کے باعث سب دم گھٹنے کا شکار ہوئے۔ متاثرین کو بعد میں  فیڈنگ پِٹ سے نکالا گیا اور فائر فائٹرز اور امدادی کارکنوں نے انہیں ہسپتال پہنچایا تاہم وہ جانبرنہ ہو سکے۔