بیجنگ(شِنہوا) چین کی نیشنل پیپلزکانگریس(این پی سی ) کی قائمہ کمیٹی کے  نائب چیئرمین ژانگ چھنگ وی نے جوہری توانائی پر معیاری قانون سازی کیلئے مربوط کوششوں پر زور دیا ہے۔

ژانگ نے گزشتہ دو دنوں میں ایک تحقیقی ٹیم کی قیادت کی، جس نے بیجنگ میں کئی اداروں اور ایجنسیوں کا دورہ کیا، جن میں سنگھوا یونیورسٹی اور چائنہ انسٹی ٹیوٹ آف اٹامک انرجی شامل ہیں۔ ٹیم نے جوہری توانائی سے متعلق قانون سازی سے متعلق تجاویز حاصل کیں۔

انہوں نے جوہری ترقی کے  طریقہ کار کو درست طریقے سے سمجھنے،ترقی اور سلامتی کو مربوط بنانے   اور جوہری توانائی انتظام کی جدیدیت کو آگے بڑھانے کیلئے ٹھوس قانونی ضمانت دینے کی کوششوں پر زور دیا۔

چینی قانون سازوں نے اپریل میں این پی سی کی قائمہ کمیٹی کے اجلاس میں ایٹمی توانائی کے قانون کے مسودے پر غور شروع کیا تھا۔

آٹھ ابواب اور 53 آرٹیکلز پر مشتمل مسودہ قانون جوہری توانائی کی پرامن ترقی اور استعمال کے اصولوں اور تقاضوں کو واضح کرتا ہے،اس میں آر اینڈ ڈی کے فروغ، جوہری توانائی کے استعمال، حفاظت کی نگرانی، انتظام کو مضبوط بنانے اور بین الاقوامی تعاون کی بہتری کے بارے میں  شرائط  بھی شامل ہیں۔