ارمچی (شِنہوا)چین کے  شمال مغربی سنکیانگ ویغور خود مختار علاقے اور ہانگ کانگ خصوصی انتظامی علاقے کے درمیان  براہ راست  پروازوں آغاز ہو گیا۔

ارمچی ایئر فلائٹ آپریٹر کے مطابق بدھ کی صبح ایک بوئنگ800-737 مسافر طیارہ پہلی بار سنکیانگ کے دارالحکومت ارمچی کے دیوپھو بین الاقوامی ہوائی اڈے سے اڑان بھر کر پانچ گھنٹے سے زائد کی پرواز کے بعد ہانگ کانگ پہنچا۔

ارمچی ایئر نے کہا ہوائی سروس ہر بدھ کو صبح 10 بج کر 15 منٹ پر ارمچی سے روانہ ہوگی اور  سہ پہر 3 بج کر 35 منٹ  پر ہانگ کانگ پہنچے گی، جبکہ واپسی کی پرواز ہانگ کانگ سے شام 4 بج کر 35 منٹ  پر روانہ ہوگی اور رات 10 بج کر 20 منٹ کے قریب ارمچی پہنچے گی۔ 

آپریٹر نے کہا کہ نیا فضائی راستہ مقامی رہائشیوں کے روزمرہ سفر، کاروباری روابط اور دونوں خطوں کے درمیان دیگر تبادلوں میں مزید سہولت فراہم کرے گا۔