نان جنگ(شِنہوا)چین کےمشرقی صوبہ جیانگسو کے کئی شہروں میں موسم کی شدت کے نتیجے میں دس افراد ہلاک اور متعدد زخمی ہو گئے۔

چین کے صوبائی ایمرجنسی مینجمنٹ ڈیپارٹمنٹ کے مطابق یان چھینگ اور سوچھیان شہر سب سے زیادہ متاثر ہوئے۔

سوچھیان میں منگل کوشام 5 بج کر 20 منٹ پر ایک سمندری طوفان دا شنگ ٹاؤن شپ اور نان کائی ٹاؤن شپ سے ٹکرایا جس کے نتیجے میں پانچ افراد ہلاک اور چار شدید زخمی ہوئے۔ ابتدائی تحقیقات سے معلوم ہوا ہے کہ طوفان سے 5 ہزار 512 افراد متاثر ہوئے ، 137 مکانات منہدم ہوئے ہیں،41.8 ہیکٹر فصلوں کو نقصان پہنچا اور 405 افراد کو عارضی طور پر محفوظ مقامات پر منتقل کیا گیا ہے۔

یان چھینگ میں ایک اورسمندری طوفان رات 8 بج کر 30 منٹ پرشہرکی فوننگ کاؤنٹی سے ٹکرایا جس سے پانچ افراد ہلاک اور چار زخمی ہوئے جبکہ کاؤنٹی کے لوپو اور بان ہو ٹاؤن شپ میں موسلادھار بارش ہوئی۔ ابتدائی تحقیقات سے معلوم ہوا ہے کہ  طوفان سے 1 ہزار 364 افراد متاثر ہوئے، 199 ہیکٹر فصلوں کو نقصان پہنچا اور 129 افراد کو عارضی طور پر محفوظ مقامات پر منتقل کیا گیا ہے۔

مقامی حکومتوں کے محکمے طوفان کی تباہ کاریوں کے بعد امدادی کارروائیوں کے لیے جائے وقوعہ پر پہنچے جبکہ زخمیوں کو ہسپتال میں طبی امداد دی جا رہی ہے۔