بیجنگ(شِنہوا)چین میں رواں سال کے ابتدائی 10 ماہ کے دوران سرکاری کاروباری اداروں (ایس او ایز) کی آمدن میں اضافہ ہوا ہے۔

وزارت خزانہ کی جانب سے جاری کردہ سرکاری اعدادوشمار کے مطابق جنوری سے اکتوبر تک کی مدت میں سرکاری کاروباری اداروں کی آپریٹنگ آمدن میں 664 کھرب 20 ارب یوآن(تقریباً 92 کھرب 50 ارب امریکی ڈالر)کا اضافہ ہوا ، جو گزشتہ سال کی اسی مدت کے مقابلے میں 8.9 فیصد زیادہ ہے۔

ابتدائی 10 ماہ کے دوران سرکاری کاروباری اداروں کا مشترکہ منافع گزشتہ سال کی نسبت 3.3 فیصد اضافہ کے ساتھ 36 کھرب 20 ارب یوآن تک پہنچ گیا ہے۔

ریاستی کونسل کے سرکاری اثاثوں کے نگران و انتظامی کمیشن کے اعداد و شمار کے مطابق ابتدائی 10ماہ کے دوران مرکز کے زیرانتظام ایس او ایز کا خالص منافع ایک سال قبل کے مقابلے 3.9 فیصد اضافہ کے ساتھ  تقریباً 17 کھرب یوآن ہو گیا ہے۔