لہاسا(شِنہوا )چین کے تبت خود مختارعلاقے کے دارالحکومت لہاسا میں ثقافتی و سیاحتی نمائش شروع ہوگئی ہے جس میں اندرون وبیرون ملک سے تقریبا1 ہزار کاروباری ادارے  تقریبا 10 ہزار اقسام کی مصنوعات پیش کر رہے ہیں۔ پانچویں چائنہ شی ژانگ ٹورازم اینڈ کلچر ایکسپو تبت کے ثقافتی کیلنڈر کی اہم ترین تقریبات میں سے ایک ہے۔تین روزہ ایونٹ میں نمائشیں، ایک مرکزی فورم، اور سیاحت کی مارکیٹنگ اور سرمایہ کاری کے فروغ کی سرگرمیاں شامل ہیں۔14 ہزارمربع میٹر کے نمائشی علاقے میں سیاحت، کھیل، ثقافت، صاف توانائی، روایتی تبتی ادویات، جدید خدمات اور سرحدی تجارت کی لاجسٹکس میں تازہ ترین پیش رفت پر مبنی مصنوعات نمائش کے لیے پیش کی جائیں گی۔