بیجنگ (شِنہوا) ملک کے چار بڑے سرکاری قرض دہندگان میں سے ایک ایگر یکلچرل بینک آ ف چا ئنہ نے قرضوں کی فراہمی میں اضافہ کیا ہے اور ملک کے کاؤنٹی سطح کے علاقوں کی ترقی میں مدد کی غرض سے جدید مصنوعات اور خدمات پیش کی ہیں۔

بینک نے کہا ہے کہ مارچ کے اختتام تک کاؤنٹی سطح کے علاقوں کے لئے بقایا قرضہ جات 80.5 کھرب یوآن (تقریباً 11.6 کھرب امریکی ڈالرز) تھے جو رواں سال کے آغاز سے 9.82 فیصد یا 719.5 ارب زیادہ ہیں۔

مزید مالی امداد کا جھکاؤ زرعی پیداوار کے اہم  شعبوں کی جانب ہے کیونکہ مارچ کے اختتام تک موسم بہار کی فصل کے لئے بینک کے نئے اضافی قرضے 200 ارب  یوآن سے تجاوز کر چکے ہیں۔

قرض دہندہ نے بڑے اناج کے کاشتکاروں اور زرعی مواد کے تاجروں کے لئے مختلف خصوصی مالی مصنوعات بھی متعارف کروائیں۔

پہلی سہ ماہی کے اختتام پر کسانوں کے لئے بینک کے قرضہ جات 970.5 ارب یوآن تک پہنچ گئے جو رواں سال کے آغاز کے مقابلے میں 190.1 ارب یوآن زائد ہیں۔