بیجنگ(شِنہوا)چین کے زرمبادلہ کے ذخائر مارچ کے آخر میں 31کھرب 83ارب90کروڑڈالر تک پہنچ گئے جو کہ ایک ماہ قبل کے مقابلے میں 1.62 فیصد زیادہ ہیں۔

اسٹیٹ ایڈمنسٹریشن آف فارن ایکسچینج  نے جمعہ کو بتایا کہ زرمبادلہ کے ذخائر میں اضافہ کرنسی ٹرانسلیشن اور اثاثوں کی قیمتوں میں تبدیلی کے مشترکہ اثرات کی وجہ سے ہے۔

ریگولیٹر کے مطابق  مانیٹری پالیسی اور بڑی معیشتوں کی توقعات سے متاثرہ امریکی ڈالر کا انڈیکس نیچے آیا اور عالمی مالیاتی اثاثوں کی قیمتیں گزشتہ ماہ اوپر چلی گئیں۔

ریگولیٹر نے مزید کہا کہ ملک کی مضبوط اقتصادی بنیادوں اور ترقی کے وسیع امکانات کی وجہ سے توقع ہے کہ چین کے زرمبادلہ کے ذخائر عمومی لحاظ سے مستحکم رہیں گے۔