بیجنگ(شِنہوا)چین کے زرمبادلہ کے ذخائر دسمبر 2023 کے آخر تک  کل 32 کھرب 38 ارب ڈالر ڈالرریکارڈ کیے گئے جو نومبر کے اختتام کے مقابلے میں 66 ارب 20 کروڑ ڈالر یا 2.1 فیصد زیادہ ہیں۔

اسٹیٹ ایڈمنسٹریشن آف فارن ایکسچینج (ایس اے ایف ای) کے اتوار کو جاری کردہ اعداد و شمار کے مطابق دنیا کی بڑی معیشتوں کی مالیاتی پالیسیوں اور توقعات جیسے عوامل سے متاثر ہونے کے باعث دسمبر میں امریکی ڈالر انڈیکس میں کمی دیکھی گئی جبکہ عالمی مالیاتی اثاثوں کی قیمتوں میں  اضافہ ہوا۔

اس سے چین کے زرمبادلہ کے ذخائر میں اضافہ ہوا جس کے اثرات کرنسی اور اثاثوں کی قیمتوں میں تبدیلی اور دیگر عوامل  کی صورت میں برآمد ہوئے۔

بیان میں مزید کہا  گیا کہ چینی معیشت میں تیزی اور بہتری جاری ہے کیونکہ اعلیٰ معیار کی ترقی مضبوطی سے آگے بڑھ رہی ہے جو ملکی زرمبادلہ کے ذخائر کے استحکام کے لیے معاونت فراہم کرے گی۔