بیجنگ (شِںہوا) چین کی وزارت ثقافت و سیاحت نے ملک کی سیاحتی صنعت کی بحالی اور ترقی کے فروغ کے لئے مئی میں قومی یوم سیاحت منانے کا اعلان کیا ہے۔

وزارت سیاحت کی جانب سے جاری اعلامیہ کے مطابق 19 مئی کو قومی یوم سیاحت منایا جائے گا جس کے لئے ملک بھر میں آن لائن اور آف لائن سیاحتی سرگرمیاں یکم مئی سے 31 مئی تک منعقد کی جائیں گی۔

جشن کا مرکزی مقام چین کا جنوب مغربی صوبہ یون نان کے شہر ٹینگ چھونگ کا قدیم قصبہ ہی شون ہوگا۔ اس ضمن میں 19 سے 21 مئی تک ایک نمائش کا اہتمام کیا جائے گا جس میں سیاحتی شعبوں میں ملک کی تازہ ترین کامیابیاں پیش کی جائیں گی۔

اعلامیہ میں مقامی حکام سے کہا گیا ہے کہ وہ سیاحت کے فروغ کے لیے اقدامات کریں جن میں ثقافتی اور سیاحتی سرگرمیوں کے لیے رعائتی کوپن جاری کرنا، بزرگوں اور معذوروں کے لیے ترجیحی پالیسیاں اختیار کرنا اور عوامی فلاح و بہبود کے لیے فنکارانہ سرگر میاں پیش کرنا شامل ہے۔

اعلامیہ کے مطابق مقامی حکام ویب سائٹس، وی چیٹ اکاؤنٹس اور دیگر پلیٹ فارمز کے ذریعے سیاحت بارے حقیقی معلومات مہیا کریں گے۔