جیو چھوان (شِنہوا) چائنہ مینڈ اسپیس ایجنسی (سی ایم ایس اے) نے پیر کے روز ایک پریس کانفرنس میں اعلان کیا ہے کہ چین 2030 تک چاند پر انسان بردار لینڈنگ کا ارادہ رکھتا ہے۔

سی ایم ایس اے کے ڈپٹی ڈائریکٹر لین شی چھیانگ نے کانفرنس میں کہا کہ چین نے حال ہی میں چاند کے انسان بردار کھوج پروگرام کے تحت چاند پر اترنے کے مرحلے کا آغاز کیا ہے۔

انہوں نے مزید کہا کہ مجموعی طور پر ہدف 2030 تک چاند پر چین کی پہلی انسان بردار لینڈنگ حاصل کرنا اور چاند کی سائنسی کھوج اور متعلقہ تکنیکی تجربات کرنا ہے۔

لین کے مطابق اس مقصد میں اہم ٹیکنالوجیز میں مہارت حاصل کرنے سمیت زمین اور چاند پر انسان بردار راؤنڈ ٹرپ، چاند کی سطح پر مختصر مدتی قیام، انسان اور روبوٹ کی مشترکہ تلاش، اترنا،گھومنا،نمونے اکٹھے کرنا، تحقیق اور واپسی کے متعدد کاموں کو پورا کرنا اور انسان بردار چاند کی تلاش کی ایک آزاد صلاحیت تشکیل دینابھی شامل ہے۔