جنیوا(شِنہوا)عالمی اقتصادی فورم (ڈبلیو ای ایف) آف گریٹر چائنہ کے چیئرمین چھن لی منگ نے کہا کہ انسانیت کے مستقبل کے اہم امور میں چین کی شرکت ناگزیر ہے۔شِںہوا کے ساتھ ایک حالیہ انٹرویو میں چھن نے کہا کہ دنیا کی دوسری سب سے بڑی معیشت کے طور پر چین عالمی سیاست ، معیشت اور تکنیکی اختراع جیسے بہت سے شعبوں میں اہم کردار ادا کررہا ہے۔انہوں نے کہا کہ عالمی حمکرانی نظام میں نمایاں تبدیلیاں آرہی ہیں اور چین عالمی حکمرانی نظام بہتر بنانے میں اہم کردار ادا کررہا ہے۔عالمی اقتصادی فورم کا 54 واں اجلاس 15 سے 19 جنوری تک سوئٹزرلینڈ کے شہر ڈیووس میں ہوگا جس کا موضوع " اعتماد کی بحالی" ہے۔چھن نے کہا کہ یہ اجلاس منقسم دنیا میں سلامتی و تعاون حاصل کرنے ، معاشی و سماجی ترقی میں مصنوعی ذہانت کے استعمال اور طویل مدتی موسمیاتی اور توانائی کی حکمت عملیوں کے نفاذ جیسے امور پر توجہ مرکوز کرے گا۔انہوں نے کہا کہ ڈبلیو ای ایف چین کے ساتھ تعاون کو مسلسل وسعت دیکر اعتماد کی بحالی میں تعاون کا خواہش مند ہے۔