ہانگ ژو (شِنہوا) چائنہ رائٹرز ایسوسی ایشن کی جانب سے جاری کردہ ایک رپورٹ کے مطابق چین نے 2022 کے آخر تک 16 ہزار سے زیادہ آن لائن ادبی تخلیقات برآمد کی ہیں جو چین سے باہر 15 کروڑ سے زائد قارئین تک پہنچ چکی ہیں۔

چین کے مشرقی صوبہ ژے جیانگ کےہانگ ژو  میں منعقد ہو نے والے چائنہ انٹرنیشنل انٹرنیٹ لٹریچر ویک کے دوران جاری ہونے والی رپورٹ کے مطابق ایشیائی خطہ میں آن لائن چینی لٹریچر سب سے زیادہ فروغ پا رہا ہے۔ جنوب مشرقی ایشیا میں بیرون ملک پھیلاؤ کا تقریباً  40 فیصد حصہ ہے۔

رپورٹ میں کہا گیا ہے کہ ایشیائی خطے میں غیر ملکی قارئین کی اکثریت 35 سال سے کم عمر ہے جس میں 1995 کے بعد پیدا ہونے والی نسل مرکزی قوت ہے۔

اب تک6 ہزار سے زیادہ آن لائن چینی ادب کے عنوانات سمندر پار ایشیائی مارکیٹ میں پیپر بیک کے طور پر شائع کئے گئے ہیں اور ترجمے کے کاموں کی تعداد 9 ہزار سے زیادہ ہے۔

چائنہ رائٹرز ایسوسی ایشن سے تعلق رکھنے والے ہو بنگ شینگ نے کہا کہ آن لائن ادب کے پھیلاؤ میں اپنے فوائد سے بھرپور فائدہ اٹھانا چاہیے اور زیادہ اعلیٰ معیار کے آن لائن ادبی کاموں کی برآمد کو فروغ دینا چاہیے جو چین کی روح اور اقدار کی عکاسی کرتے ہیں۔